O Celta Fortuna repartiuse os puntos co Sestao River en Abanca Balaídos. Empate a uns amargo para os celestes, quenes a pesar de adiantarse no marcador cun gol de Jordi Escobar na primeira metade, viron como se lles escapaban dous puntos no último suspiro de partido ante un rival directo.
O encontro arrincou cun River enchufado, que saltou ao campo cun balón ao pau na súa primeira ocasión. Con todo, os vigueses fóronse crecendo co paso dos minutos e no 26, Jordi Escobar aproveitaría unha boa xogada colectiva para adiantar aos locais (1-0). Con este gol, os de Fredi Álvarez tomaron o control, replegándose e defendendo ben, pero sen xerar moitas chegadas claras á área rival. Situación paralela á dos de Igor Oca, quenes tampouco lograron crear un perigo real antes da saída a vestiarios.
Na segunda parte, o Sestao aumentou a presión, buscando o empate con balóns longos e centros á área. A pesar dos intentos, a defensa local, cun seguro Marc Vidal baixo paus, logrou manter a vantaxe ata o minuto 88. Cando parecía que a vitoria celeste estaba asegurada, o cadro vasco logrou igualar a contenda aproveitando un erro nun despexe, que terminaría cun posterior remate de Gaizka Martínez a balón parado (1-1).
Un duro golpe para os celestes, que se suma a unha posible lesión de Hugo González sufrida no quecemento. Malas noticias unicamente camufladas polo debut do mozo internacional romanés Ianis Târbă.
Con este empate, o Celta Fortuna céntrase no seu próximo desafío: o derbi atrasado ante o CD Lugo, que terá lugar o mércores 19 de marzo e no que buscará reencontrarse coa vitoria na casa.
FICHA TÉCNICA:
1 – Celta Fortuna: Marc Vidal; Gavián (Garriel, 46′), Yoel Lago, Gael Alonso (Hugo Burcio, 59′), Manu Fernández, Tincho; Guedes (Joel López, 59′), Miguel Román, Antañón (Angelito, 72′), Óscar Marcos (Ianis, 90′); Jordi Escobar.
1 – Sestao River: Herrerín; Markel, Gaizka Martínez, Adri Miranda (Efremov, 64′), Barandalla; Gorga Garai (Alfred Planas, 82′), Adri Gómez; Leandro, Asier Córdoba, Bustillo (Relu, 64′); Diego Aznar (Sergi García, 61′).
-
Goles: 1-0, min. 28: Jordi Escobar; 1-1, min. 89: Gaizka Martínez.
-
Árbitro: Crespo Puente (comité cántabro). Amonestou a Guedes polo Celta Fortuna; e a Diego Aznar, Adri Gómez polo Sestao River.
