A aportación da canteira aos distintos combinados nacionais segue medrando
A canteira volve converterse en motivo de orgullo para o Real Club Celta. O porteiro Iván Villar, de 16 anos de idade e que milita no Celta Xuvenil de División de Honra, foi convocado polo seleccionador do combinado nacional Sub-17 para dous partidos en Bélxica. A convocatoria do novo gardameta de Aldán, quen debuta como internacional, reforza a gran achega da canteira celeste ás categorías inferiores da selección nacional.
O Real Club Celta dispón dun novo canteirán internacional, que se suma a longo prazo lista de xogadores das categorías inferiores do club que foron convocados polos distintos seleccionadores nacionais nas últimas tempadas.
Iván Villar (Aldán, 9 de xullo de 1997), quen chegou ao Celta en categoría alevín, foi convocado para dous partidos entre as seleccións de Bélxica e España que se disputarán os días 10 e 12 de setembro no Estadio Leburton de Tubize, ambos ás 19.00 h.
Os internacionais concentraranse en Madrid o luns 9 de setembro, ás 10.00 horas, para viaxar cara a Bruxelas.
