Football Science Institute comprácese en anunciar a renovación e ampliación da súa colaboración coa Fundación Real Club Celta, que abarca educación, colaboracións científicas e prácticas profesionais. Os profesionais da Fundación RC Celta terán acceso a másteres en liña de FSI en áreas como a medicina, fisioterapia, adestramento, nutrición ou análise táctico.
Ambas as institucións tamén traballarán xuntas no desenvolvemento de proxectos de investigación destinados a mellorar a práctica diaria no club. “Grazas á renovación con FSI, poderemos continuar con intercambios e colaboracións científicas que nos beneficiaron en gran medida na práctica profesional e ao crecemento dos nosos xogadores”, di Eduardo Covelo (Responsable de canteira).
“Estamos encantados de estender a nosa cooperación con FSI, é unha institución altamente respectada no fútbol e na ciencia deportiva. Para cumprir a nosa misión de mellorar cada día necesitamos traballar cos mellores”, di Carlos Hugo (Director de área de Fútbol Denominación de Orixe Celta.)
“FSI está moi satisfeito de renovar a súa colaboración coa Fundación RC Celta e poder axudar a seguir desenvolvendo coñecemento científico en fútbol xunto aos profesionais do club “, di Bernardo Requena, cofundador de Football Science Institute. Grazas a esta renovación, FSI seguirá proporcionando a súa estrutura académico-científica a un club histórico como é a Fundación RC Celta de Vigo, favorecendo o crecemento de ambas as entidades e o desenvolvemento de futuro proxectos.
