Continuando cun dos grandes compromisos do RC Celta, a canteira, o club deu comezo aos adestramentos das novas promesas celestes. Tanto o Xuvenil A como o Xuvenil B empezaron nos últimos días a pretempada 24/25. O resto de categorías iniciarán a volta ao traballo nas próximas semanas, coa mirada posta nunha tempada 24/25 ilusionante.
Organigrama da Canteira
O club xa conta co organigrama definitivo dos equipos da canteira para a próxima campaña.
Alberto Suárez e Luis Carlos Salvador serán primeiro e segundo adestrador do Xuvenil A, respectivamente. No Xuvenil B, Luis Bonilla e Alejandro Rodríguez ocuparán estes mesmos cargos. Juan Recondo e Alex Abalde encargaranse de levar as rendas do Cadete A, mentres que Jacobo Montes e Fredi Piñeiro dirixirán ao Cadete B. Marcos Montes e Pacheco Piñeiro serán primeiro e segundo adestrador do Infantil A, mentres que Hugo Álvarez e Jaime Blanco terán a responsabilidade do Infantil B. En canto ao Alevín A, Alex Abalde e Hugo Álvarez estarán á fronte, e o Alevín B será dirixido por Pacheco Piñeiro e Juan Recondo. Jaime Blanco e Jacobo Montes serán os técnicos do Benjamín A, e Fredi Piñeiro e Marcos Montes estarán ao mando do Benjamín B.
A todos estes equipos sumaranse os adestradores de porteiros: Chon Santos, Adrián Aguiar, Daniel Núñez, Héctor Iglesias e Eduardo Pérez. En canto aos analistas, estarán Bruno López e Ángel Expósito, baixo as ordes do responsable analista García Sierra. Ademais, tamén formarán parte destes corpos técnicos de canteira o encargado de tecnificación, Alejandro Lago, e o director vertical desta metodoloxía, Edu Covelo.
Paralelamente, na rama de preparadores físicos e readaptadores, atopamos como preparador físico do Xuvenil A a Dani Vilas, do Xuvenil B a Miguel Fontán, do Cadete A a Lázaro Mouriño, do Cadete B a Gonzalo Lijó e de categorías Infantís A e B a Álvaro Domínguez. Por outra banda, os readaptadores de lesións, desde o Xuvenil A, serán Jose Chao e Pablo Fernández, e o especialista en forza en todas as categorías de canteira, David Solleiro.
Calendario de pretempada do Xuvenil A
Os pupilos de Alberto Suárez xa coñecen o seu calendario de pretempada. A expensas de confirmar algún rival e horario, os partidos amigables do Xuvenil A serán os seguintes:
– Gil Vicente (31 de xullo)
– SC Braga (3 de agosto)
– Gran Peña Senior (10 de agosto)
– CD Valladares Senior (14 de agosto)
– Torneo Sinde (Deportivo, Lugo e Racing de Ferrol)
– Torneo Unindo Camiños (Choco, Val Miñor, Compostela, Deportivo, O Porto, Sevilla…)
Valor da Canteira
Estes encontros servirán como preparación fundamental para que os mozos celestes enfróntense á nova tempada coa mellor forma física e táctica posible. O RC Celta deséxalles a maior das sortes a todos os equipos. A canteira é o piar fundamental do club e ver que un ano máis se inician numerosos grupos de futuras promesas do fútbol celeste é un orgullo para todos. Os vosos éxitos serán os do celtismo. Ánimo, canteiráns!
