Fortalecerán as líneas defensivas do filial e do Xuvenil Divión de Honra respectivamente
O presidente do RC Celta, Carlos Mouriño, anunciou hoxe na súa comparecencia ante os medios a fichaxe de dous novos reforzos. Trátase dos defensas Pablo Crespo, que xogará no filial, e Igor Engonga, aínda en idade xuvenil e que chega para reforzar o División de Honra.
Pablo Crespo (16/10/1994, San Vicente de Toranzo, Cantabria), defensa polivalente que pode desenvolverse tanto de central como de lateral destro, destaca pola súa corpulencia e velocidade. Tras formarse no Amizade e o Bansader, Pablo Crespo militou en 2ªB na Ximnástica de Torrelavega e este curso no Tropezón, equipo do que procede e no que foi un dos xogadores máis destacados.
Igor Engonga (04/01/1995, Santander) pasou pola canteira do Racing de Santander antes de recalar na Ximnástica Torrelavega, club desde o que chega a Vigo e no que sumou tres goles. Trátase dun defensa central de bo físico e con gran criterio co balón nos pés que pode exercer de centrocampista defensivo. Recentemente Igor foi convocado pola selección absoluta de Guinea Ecuatorial para participar nun amigable ante España.
