A fin de semana comezou o pasado sábado ás 10:00 coa vitoria do Alevín A ante o CD Choco en Santa Mariña, despois de vencer ao Rápido de Bouzas o pasado xoves (9-0 na Madroa), ademais de empatar este domingo ante o SC Braga (4-4) nun amigable. Ante o conxunto portugués tamén xogou o Benxamín A (triunfo por 6-11 en Braga) despois de derrotar á ED Val Miñor (2-5 en Braga) e Coruxo FC (na Madroa). Entre medias, o Infantil A impúxose por 3-0 ao Pabellón Promesas CF na Madroa para sumar 54 puntos en Liga Galega.
O Cadete B iniciou a tarde con triunfo (2-0) ante a ED Arousa SD na Madroa e suma 42 puntos en Liga Galega. Ás 16:00, dobre ración de fútbol 8: 0-11 de o Alevín B ante o Rápido de Bouzas B en Baltasar Pujales e 12-0 ante O Castro British School na Madroa. Pola súa banda, o Celta B despedía o día coa vitoria por 1-3 ante o Real Valladolid Promesas nos Anexos al José Zorrilla para situarse en quinta posición do grupo 1 de Primeira RFEF Footters.
O domingo, o Cadete A derrotaba por 3-0 á ED Val Miñor na Madroa para sumar 48 puntos en División de Honra, á mesma hora que un Infantil B que vencía en casa do Colegio Apóstol para sumar 48 puntos. Pola mañá, o Xuvenil A derrotaba por 4-0 ao CD Mariña Sport para alcanzar os 56 puntos en División de Honra. Pola súa banda, o Celta C – Gran Peña pechaba a fin de semana cun importante triunfo por 5-4 ante o CD Beluso.
