Tras a vitoria do Celta Fortuna fronte ao Unionistas de Salamanca, Fredi Álvarez, e os xogadores Coke Carrillo e Hugo González analizaron o triunfo en sala de prensa.
O técnico celeste puxo en valor a importancia de sumar tres puntos que reforzan as boas sensacións e a liña de crecemento dun equipo moi novo que, para este encontro, contou con ata cinco xogadores en idade xuvenil na convocatoria, un claro reflexo da aposta do club pola aceleración de procesos.
Na mesma liña, Coke destacou a satisfacción do vestiario por volver á senda da vitoria, subliñando especialmente o feito de facelo mantendo a portería a cero, algo que reforza as boas sensacións e o traballo de todo o equipo.
Por último, Hugo González non podía ocultar a súa alegría por regresar aos terreos de xogo tras varias semanas de baixa por lesión e facelo ademais con gol. O dianteiro valenciano aproveitou tamén para facer balance do seu primeiro ano en Vigo, destacando a súa adaptación e o cómodo que sente tanto no club como dentro do proxecto celeste.
Non te perdas as súas declaracións completas!
