Rubén Albés é o mellor adestrador do Grupo 1 da Segunda División B 2017/18. O técnico celeste, que a pasada tempada levou ao Celta B á promoción de ascenso tras asinar unha espectacular campaña, foi seleccionado pola RFEF como un dos galardoados dos Premios Ramón Cobo, que cada ano recoñecen o traballo dos mellores técnicos do fútbol nacional.
Albés recollerá o seu premio o vindeiro martes 2 de outubro na Cidade Deportiva de Las Rozas.
