Sergio Díez convértese en novo integrante do Celta Fortuna. O lateral dereito de 21 anos chega libre ao cadro celeste, procedente do Atlético de Madrid, e firma por 5 tempadas co club.
Formado na canteira do conxunto colchonero, onde disputou 42 partidos nos que anotou dous goles e deu dúas asistencias, logrou debutar nun amistoso co primeiro equipo e destacou especialmente no último curso durante a súa cesión no Recreativo de Huelva. No club onubense, o lateral xogou 38 encontros no Grupo 2 de Primeira Federación, sumando máis de 2500 minutos no campo.
A chegada de Sergio Díez a Vigo reafirma a aposta do Fortuna de fortalecer o seu costado dereito cun xogador veloz, de gran desborde por banda e despregamento físico, calidades que seguro serán determinantes para o conxunto de Fredi Álvarez.
Benvido, Sergio!
