O RC Celta iniciou esta semana unha pretempada marcada polo elevado número de xogadores da canteira presentes. Aos xa habituais do primeiro equipo súmanse catro novos valores das categorías inferiores: Diego Pampín, Iván Villar, Brais Méndez e Diego Alende.
Os catro canteiráns celestes, xunto a Pepe Cheikh, forman parte da selección 2017 de Fútbol Draft de novos talentos, de entre 16 e 20 anos, que optan a conformar os Onces de Ouro, Prata e Bronce da canteira do futbol español.
Todos eles son ademais internacionais nas categorías inferiores da Selección Nacional de Fútbol.
