A partir do mes de outubro nas instalacións deportivas da A Madroa, as rapazas terán a súa propia escola de fútbol cunha dobre modalidade:
- Escola de TECNIFICACIÓN, para rapazas federadas nalgún club en idades Alevín, Infantil e Cadete. Esta modalidade céntrase no perfeccionamento das habilidades técnicas, así como na mellora das habilidades psicomotrices. Esta escola terá lugar os martes e/ou xoves.
- Escola de APRENDIZAXE, para nenas non federadas en idades Benjamín, Alevín e Infantil. Esta modalidade inclúe un completo programa de aprendizaxe de fútbol. Estas escolas terán lugar os martes e/ou xoves.
Esta nova escola permitirá que calquera rapaza poida iniciarse no fútbol da man do RC Celta a través da súa prestixiosa metodoloxía de adestramento, formarse futbolísticamente e, se o seu rendemento é o adecuado, poder chegar a formar parte das nosas categorías inferiores en As Celtas. O prazo de inscrición xa está aberto e dispoñemos de plazas limitadas, polo que recomendámosvos inscribirvos canto antes para garantir a praza. Os adestramentos comezarán o martes 1 de outubro. Para obter información máis detallada e realizar a solicitude de inscrición podedes acceder á nosa páxina web.
Porque os soños ás veces cúmprense. Se che gusta o fútbol e sénteste celtista, non deixes pasar esta oportunidade!
