Juan Carlos Unzué e o seu corpo técnico non continuarán no RC Celta a próxima tempada. O club e o adestrador selaron de mutuo acordo a resolución do contrato do técnico e os seus colaboradores, Robert Moreno, Rafel Pol, Joaquín Valdés e Aitor Unzué, que xa se desvincularon da entidade celeste.
O Real Club Celta quere expresarlle a Unzué e ao seu corpo técnico o seu máis sincero agradecemento pola dedicación, a profesionalidade e o esforzo que mostraron durante a tempada e desexarlles o maior dos éxitos na súa nova etapa deportiva.
O técnico comparecerá en rolda de prensa o vindeiro luns, 21 de maio, ás 9:30 horas na sala de prensa do Estadio de Balaídos.
