O Celta B venceu (1-0) ante o CF Fuenlabrada no partido correspondente á xornada 35 de Liga no grupo I de Primeira Federación disputado en Abanca Balaídos. Un partido no que os celestes regresaron á senda da vitoria cun gol de Martín Calderón.
Tras unha primeira parte moi igualada e sen ocasións claras, o Celta B regresou de vestiarios con forza e ímpeto. Un inicio de segunda metade no que Martín Calderón adiantaba aos celestes cun zapatazo desde fóra da área.
Un filial celeste que, a pesar de ter ocasións para ampliar a súa renda, tamén foi capaz de protexerse para manter a súa vantaxe e sumar unha importante vitoria a falta de tres xornadas para a conclusión da tempada regular.
Desta forma, o Celta B regresa á quinta posición tras sumar 57 puntos en 35 xornadas. Tras esta vitoria, o segundo equipo céltico visitará ao Algeciras CF o vindeiro domingo 14 de maio ás 12:00 no Nuevo Mirador.
FICHA TÉCNICA
1 – RC CELTA B: Ruly; Carrique, Sergio Barcia, Carlos Domínguez, Medrano; San Bartolomé (Martín Calderón, min. 46), Hugo Sotelo (Carlos Beitia, min. 68); Miguel Rodríguez (Pablo Durán, min. 86), Iker Losada (Clemente Montes, min. 86), Hugo Álvarez; Lautaro (Manu Garrido, min. 75).
0 – CF FUENLABRADA: Craninx; Cubero, Sotillos, Álvaro García, Barbosa; Cristóbal (David Amigo, min. 82), Buer; Fer Ruiz (Bravo, min. 82), Iban Salvador (Enzo, min. 68), David Vilán (Santi Jara, min. 62); Diego García.
Gol: Martín Calderón (1-0, min. 57).
Árbitro: Fernández Buergo, do colexio asturiano. Amonestou a San Bartolomé e Manu Garrido, do Celta B, e a Sotillos, Cubero, Iban Salvador e Craninx, do CF Fuenlabrada.
Campo: Abanca Balaídos.
