Dani González (Albacete, 18 de marzo de 2002) xogará nas filas do Celta Fortuna durante a presente tempada 2023/24, tras o acordo de cesión, con opción de compra, alcanzado co Albacete Balompé.
O dianteiro de 21 anos, que no pasado mercado invernal pasou a xogar cedido nas filas do Atlético de Madrid B, participou no ascenso de categoría do conxunto colchoneiro á Primeira Federación. Ademais, o rendemento do ariete durante a pasada campaña foi notable, debutando en LaLiga Hypermotion co club manchego, co que disputou ata cinco encontros, e xogando como titular indiscutible en 18 enfrontamentos do filial do Atlético, cos que terminou anotando 6 goles.
Dani González chega ao filial celeste para achegar talento, potencial e fortalecer a dianteira do conxunto dirixido por Claudio Giráldez nesta ilusionante campaña na que o RC Celta celebra o seu Centenario.
