Nunha histórica primeira rolda de prensa celebrada esta mañá no Salón Regio da Sede RC Celta, Marián Mouriño, a recentemente nomeada presidenta do club, compartiu un almorzo distendido cos medios de comunicación, acompañada polo novo Consello que a apoiará na súa xestión.
Este significativo acto marcou o inicio dun novo capítulo para o RC Celta, coa primeira muller na historia do club asumindo a presidencia. Durante a sesión inaugural, Marián Mouriño delineó as bases dun proxecto ambicioso, comprometéndose a liderar unha nova era de innovación e compromiso na traxectoria do equipo, fundamentada na competitividade, a consistencia deportiva e económica, a conexión co celtismo e o respecto ás raíces do club.
