O Celta Fortuna iniciou este luns a preparación para a tempada 2024/25 na Cidade Deportiva Afouteza coa incorporación de varios talentos xuvenís. Tras a súa sobresaliente actuación no Xuvenil A, Óscar Marcos, Ángel Arcos, Hugo Burcio e Pablo Gavián únense ao filial celeste neste primeiro día de pretempada, xa como integrantes do plantel do Celta Fortuna.
Ademais, outros compañeiros de categorías xuvenís súmanse á pretemporada: Hugo Wauthier, Manu Rodríguez, Andrés Antañón, Fer Martínez, Miguel Conde, Ianis, Asier Troncoso, Vicente Nunes e Ju.
O RC Celta reafirma desta maneira o seu compromiso coa canteira, piar fundamental do club, e demostra a súa implicación na formación de mozos xogadores que poidan desenvolverse nas distintas categorías da entidade celeste.
Parabén a todos os canteiráns por esta gran oportunidade!
