O Celta Fortuna comeza hoxe a pretempada na Cidade Deportiva Afouteza. Tras pasar as pertinentes probas médicas o pasado venres 12 de xullo, o filial celeste empeza a quentar motores para a próxima campaña.
O adestrador moañés Fredi Álvarez convocou a 25 xogadores para iniciar as actividades: Javi Rodríguez, Gael Alonso, Tincho, Manuel Fernández, Fer López, David de la Iglesia, Lucas Antañón, Pablo Meixús, Hugo Sotelo e Iván Garriel.
Aos que se sumaron os canteiráns doutras categorías: Hugo Wauthier, Pablo Gavián, Hugo Burcio, Manu Rodríguez, Andrés Antañón, Óscar Marcos, Ángel Arcos, Fer Martínez, Miguel Conde, Ianis, Asier Troncoso, Vicente Nunes e Ju.
Por outra banda, Coke e Joel López continúan co proceso de recuperación das súas respectivas lesións.
O primeiro choque amigable do filial celeste terá lugar o vindeiro sábado 27 de xullo contra o Bergantiños CF (19:00h, Burgans).
Benvidos de volta, canteiráns!
