O Celta Fortuna volve a Vigo cunha man chea de nada e outra cousa de ningunha tras unha axustada derrota ante o Real Unión (3-2). Un encontro vibrante no que, a pesar de poñerse por diante en varias ocasións grazas aos goles de Escobar e Emi, o filial celeste non puido evitar deixar os puntos en Irún.
Ao longo do partido, o cadro vigués mostrouse dominador. Un control do xogo que se materializou no inicio da segunda metade grazas a un penalti convertido por Escobar (0-1). Con todo, o Real Unión atopou o empate a través de Aranzabe (1-1) aos poucos minutos.
Co intercambio de golpes, e nun dos momentos máis tolos do encontro, un pase medido de Miguel Román a Emi Rodríguez, levou á recente fichaxe mexicana a adiantar de novo ao Fortuna cun golazo sen a penas ángulo (1-2).
A un cuarto de hora para o noventa Sergio Benito e Cayarga déronlle a volta ao luminoso en apenas dous minutos, deixando os puntos en casa (3-2).
O máis destacable do encontro foi a estrea de Burcio no once inicial.
Agora o Celta Fortuna céntrase na súa próxima cita fronte ao Arenteiro, partido que se disputará o venres 7 de setembro ás 19:30h en Abanca Balaídos.
FICHA TÉCNICA:
3 – Real Unión Club: Charly; Santos, Javi Domínguez, Quintana, Joseca; Bilbao (Olaortua, min. 85´), Quique Rivero, Vidorreta (Dani Garrido, min. 62´), San Bartolomé (Sergio Benito, min. 62´); Aranzabe (Cayarga, min. 74´), Obieta (Asier Benito, min. 74´).
2 – Celta Fortuna: Marc Vidal; Meixús (Barreiros, min. 87´), Yoel Lago, Manu Fernández; Sergio Díez (Garriel, min. 70´), Miguel Román, Burcio (Dela, min. 70´), Tincho; Fer López, Escobar, Emi Rodríguez (Johan Guedes, min. 76´).
Goles: 0-1 (min. 55´): Jordi Escobar de penalti. 1-1 (min. 65´): Aranzabe. 1-2 (min. 75´): Emi Rodríguez. 2-2 (min. 82´): Sergio Benito. 3-2 (min. 84´): Berto Cayarga.
Árbitro: Millán Bárcenas Torres (Colegio Riojano). Mostrou cartón amarelo ao visitante Manu Fernández (min. 96´).
Incidencias: Xornada 2 do Grupo 1 de Primeira Federación disputado no Stadium Gal.
