Fillas de Cassandra ofrecerá un concerto nos prolegómenos do encontro entre o RC Celta e o Real Madrid en Abanca Balaídos.
O dúo vigués prepara unha actuación chea de arraigamento polas nosas raíces e tradición que sorprenderá a todos os afeccionados e que será a antesala perfecta para un encontro de máximo nivel ante o vixente campión de LALIGA EA SPORTS.
O espectáculo comezará ás 20:45h. e desenvolverase no interior do estadio polo que recomendamos a todos os afeccionados que accedan con tempo para non perderse o concerto completo. A actuación retransmitirase no videomarcador para que todo o mundo poida seguilo desde calquera punto do estadio.
Unha previa cargada de música, raíces e tradición que, xunto ao incansable alento de todo o celtismo unido, acompañarán ao conxunto celeste cara á vitoria. Non volo podedes perder!
