Os máis pequenos da nosa ESCOLA DE FÚTBOL RC CELTA tamén compiten, aínda que sexa de maneira amigable.
Esta pasada fin de semana xuntáronse en A Madroa os nenos e nenas da nosa escola de iniciación (4-5 anos) tanto da Sede de Coia como da Sede de A Madroa. O día chuvioso non foi un impedimento para que gozasen dunha completa mañá de fútbol. Para a gran maioría, é a primeira vez que xogan un partido de fútbol de maneira organizada e supuxo un auténtico reto persoal. Formación, participación e diversión foron garantidas tal e como corresponde aos principios básicos das nosas escolas de fútbol.
Todos afrontaron o partido cunha ilusión enorme, son a base do noso proxecto de fútbol base CELTA ACADEMY, e por que non, soñar con que algún deles poidan ser futuros xogadores dos equipos de fútbol base do RC Celta ou de As Celtas. Todos eles mostran unha gran admiración polo RC Celta e o noso labor é corresponderlles cunha formación tanto deportiva como persoal de calidade.
Tanto a nosa sede de A Madroa como a Sede de Coia aínda teñen prazas dispoñibles e están abertas as inscricións durante toda a tempada.
Non deixes pasar a oportunidade de empezar a xogar ao fútbol desde pequeno/a da man do RC Celta!
