O Celta Fortuna rompe a súa serie como invicto en casa ante a Cultural Leonesa, líder da categoría.
Os de Fredi Álvarez arrincaron o encontro un tanto atrancados, situación que aproveitou o conxunto visitante para adiantarse no marcador cun temperán gol de Luis Chacón. Lonxe de virse abaixo, os celestes reaccionaron xerando varias ocasións de perigo. As dúas chegadas máis claras protagonizáronas Dela, cun disparo que acariñaba a escuadra, e Fer López, cun remate de cabeza que finalmente íase fóra.
Boas sensacións que o Celta Fortuna lograba manter no inicio da segunda metade para subir o tanto do empate ao marcador. O capitán, Gael Alonso, foi o autor do gol celeste que, tras recibir un centro de Dela, lograba bater ao gardameta ilicitano e desatar a euforia nas bancadas do estadio de Barreiro.
Co empate no contador, o filial continuaba co asedio á portería rival pero un erro na saída de balón condenaría ao conxunto local. Antón Escobar adiantaba novamente á Cultural Leonesa e, uns minutos despois, sentenciaba o partido.
Un resultado demasiado avultado para os méritos dun Celta Fortuna que se enfrontaba ao líder de Primeira Federación con 8 canteiráns no once titular e que terminaba o encontro con 3 xuvenís na zona de ataque, competindo todos eles a un grandísimo nivel.
A próxima cita no calendario do filial celeste será ante o Tarazona o vindeiro domingo, 24 de novembro, ás 12:00h.
FICHA TÉCNICA:
1 – Celta Fortuna: Marc Vidal; Pablo Gavián, Gael Alonso, Pablo Meixús, Manu Fernández, Tincho; Miguel Román, Dela; Fer López, Miguel Rodríguez; Jordi Escobar.
3 – Cultural Leonesa: Bañuz; Víctor García, Rodri Suárez, Satrústegui, Álvaro Martínez; Barri, Maestre; Calderón, Manu Justo, Luis Chacón; Artola.
Goles: 0-1, m. 5: Luis Chacón. 1-1, m. 52: Gael Alonso. 1-2, m. 78: Antón Escobar. 1-3, m. 82: Antón Escobar.
Incidencias: Partido correspondente á Xornada 13 do Grupo I de Primeira Federación versus e-Learning disputado no estadio de Barreiro.
