Xa están abertas as inscricións para os Clinics de Nadal do RC Celta. Durante 4 días levaranse a cabo por diferentes sedes repartidas pola xeografía galega: luns 23, martes 24, xoves 26 e venres 27 de decembro.
As sedes confirmadas son as seguintes:
A MADROA (Vigo) – luns, martes, xoves e venres
PABELLÓN OURENSE (Ourense) – luns, xoves e venres
A ESTRADA (Pontevedra) – luns, martes, xoves e venres
PONTECALDELAS (Pontevedra) – luns, martes, xoves e venres
ROIS (A Coruña) – luns, martes, xoves e venres
Na sede de A Madroa, tamén teremos a modalidade de Clinic Porteiros Sergio Álvarez (para a posición específica de porteiros) e Clinic As Celtas (exclusivamente feminino), durante os 4 días.
Anímate a gozar do teu deporte favorito adestrando segundo a metodoloxía da canteira do RC Celta, equipo de fútbol máis representativo da nosa comunidade e cunha gran reputación na formación de xogadores novos tanto a nivel nacional como internacional. Esta eficaz formación futbolística irá acompañada de aprendizaxes referentes á educación persoal, e moita diversión como debe corresponder a esta época de vacacións.
Un agasallo de Nadal excepcional que fará feliz a moitos nenos/as que sexan apaixonados do fútbol e do RC Celta.
Todos os participantes recibirán como regalo unha Bolsa celtista que inclúe: gymsac, camiseta conmemorativa do Clinic, pulseira e postal dun xogador do RC Celta.
As prazas son limitadas así que non dubides en facer a inscrición canto antes para asegurar a praza e gozar ao grande do fútbol da man do RC Celta.
As inscricións estarán abertas ata o xoves 19 de decembro ás 14:00h. A través da propia web do RC Celta, poderás tramitar a inscrición en sinxelos pasos guiados.
Más de 20 anos de experiencia na organización deste tipo de actividades aválanos con excelentes resultados recoñecidos por todos os participantes. Para obter máis información e tramitar as inscricións dos clinics, fai clic aquí.
