A Fundación Celta anuncia a apertura do prazo de inscricións para a VIII Invasión Celeste by Profand, a esperada carreira popular que se celebrará o próximo 16 de febreiro. Este evento, consolidado como unha auténtica festa do celtismo, combina deporte, familia e solidariedade nunha xornada chea de emoción. En consonancia cos valores da Fundación Celta e o seu patrocinador principal, Profand, os rexistrados que queira terán a opción de doar a cantidade que cada un considere a DisCamino, comprometéndose Profand a poñer o mesmo importe recadado.
A carreira contará con diferentes distancias e modalidades para todas as idades:
– 50 metros (nenos/as de 3 a 6 anos): 2€
– 1 km (nenos/as de 7 a 14 anos): 5€
– 5 km e 10 km: 10€ ata o 26 de xaneiro e 12€ do 26 de xaneiro a data límite de inscrición (11 de febreiro).
Os dorsais poderán recollerse nas seguintes localizacións e horarios:
– Sábado 15 de febreiro: Tenda Oficial do RC Celta de rúa Príncipe, de 10:00 a 14:00 e de 17:00 a 20:00.
– Domingo 16 de febreiro:
10 km e 5 km: Tenda Oficial do RC Celta da rúa Príncipe, de 8:00 a 10:00.
1 km e 50 metros: Bancada de Río de Abanca Balaídos (acceso porta 18), de 9:00 a 11:00.
Para unha maior comodidade, os corredores poderán entregar as súas mochilas na furgoneta do RC Celta, situada no inicio da rúa Príncipe, que as trasladará ao estadio para a súa devolución ao finalizar o evento.
Horarios das carreiras:
– 10:00h: Saída das probas de 10 km e 5 km desde a rúa Príncipe (altura de A Sede RC Celta).
– 11:30h: Saída da proba de 1 km, dentro do estadio Abanca Balaídos.
– 11:45h: Carrera de 50 metros para os máis pequenos, tamén no interior do estadio.
– 12:30h: Entrega de trofeos en Abanca Balaídos.
A entrada ao estadio, tanto para os corredores como para todas as persoas que desexen acudir e gozar do evento, deberán facelo a través da porta 18 que estará aberta a partir das 09:00h.
Tras o éxito de edicións anteriores, a Invasión Celeste consolídase como un evento aberto a toda a familia. Os máis pequenos terán a oportunidade de correr pola mesma banda na que os xogadores quentan antes de cada partido, mentres que os adultos percorrerán as rúas da cidade ata chegar a unha meta moi especial, o noso gran templo celeste.
Para participar, realiza a túa inscrición a través da páxina web antes do 11 de febreiro.
Non te perdas a VIII Invasión Celeste by Profand e goza desta festa do deporte e do celtismo.
Esperámosvos!
