A Fundación Celta cambia de data da VIII edición da Invasión Celeste, que orixinalmente estaba prevista para o 16 de febreiro. Este evento, consolidado como unha auténtica festa do celtismo, celebrarase finalmente o próximo 23 de marzo.
O motivo deste cambio é o inicio das obras na Bancada de Gol, que obrigaron a modificar a planificación por razóns de loxística. O RC Celta lamenta este axuste, pero prioriza a seguridade dos participantes e o éxito do evento.
As inscricións para esta xornada popular que combina deporte, familia e solidariedade seguen abertas, e o RC Celta espera unha gran participación co obxectivo de tinguir de celeste Vigo.
Vémonos, celtistas!
