O Celta e a UD Ibiza acordaron o traspaso do xogador, Sergio Díez. O lateral dereito do Celta Fortuna inicia unha nova etapa deportiva no conxunto das illas Pitiusas.
Ao longo desta tempada, o defensa madrileño de 21 anos disputou 31 encontros co filial celeste nos que anotou un gol ante a Ximnástica Segoviana. En total foron máis de 1.400 minutos nos que o xogador defendeu o escudo celeste dunha maneira impecable ás ordes de Fredi Álvarez.
O Celta quere agradecerlle o seu compromiso e desexarlle moitos éxitos nesta nova etapa que agora emprende.
Grazas, Sergio!
