O Celta e o Athletic Club chegaron a un acordo para o traspaso de Luis Bilbao, extremo esquerdo de 21 anos que se une á dinámica do filial celeste. Formado na canteira de Lezama, o mozo biscaíño asinou contrato para o próximas catro tempadas.
Luis Bilbao é un atacante que destaca pola súa verticalidade e o seu desequilibrio na banda, unhas calidades coas que agora se poñerá ás ordes de Fredi Álvarez tras varias tempadas militando no Bilbao Athletic, onde sumou 55 partidos e 5 goles. Aínda que chegou a entrar en convocatorias do primeiro equipo do Athletic en Copa do Rey, non chegou a debutar oficialmente. A tempada pasada xogou cedido no Barakaldo CF, onde anotou 5 goles en 29 encontros.
O Celta recibe a un xogador cunha gran proxección e talento que defenderá o escudo celeste ata 2029.
Benvido, Luis!
