O Celta e o RCD Espanyol alcanzaron un acordo para a cesión con opción de compra de Unai Núñez. O defensa vasco continuará a súa traxectoria no conxunto catalán esta tempada.
Durante a última campaña, o zagueiro celeste estivo cedido no Hellas Verona e posteriormente no Valencia CF, onde volveu contar con minutos na máxima categoría do fútbol español. Agora, continuará a súa andaina en LaLiga vestindo a camisola dos pericos.
O Celta deséxalle ao xogador moitos éxitos nesta nova etapa profesional.
Sorte, Unai!
