O Celta e o Manchester United alcanzaron un acordo para a cesión con opción de compra de Altay Bayindir.
Formado nas categorías inferiores do Bursaspor e do Ankaragücü, Bayindir debutou como profesional con este último antes de consolidarse durante catro tempadas no Fenerbahçe, onde foi un dos porteiros de referencia en Istambul e chegou a exercer como capitán.
En 2023 deu o salto ao Manchester United, converténdose no primeiro futbolista turco da historia do club inglés. Alí acumulou máis de 1.500 minutos e continuou ampliando a súa experiencia ao máximo nivel, tanto en competicións nacionais como europeas.
Agora, o internacional absoluto con Turquía viaxará directamente a Italia para incorporarse ao stage de pretempada do Celta, onde o equipo de Claudio Giráldez disputará os amigables fronte ao Sassuolo e ao Napoli.
O Celta dálle a benvida e confía en que poida seguir achegando a súa seguridade baixo paus, o seu impoñente físico e a súa capacidade para dominar o xogo aéreo nesta nova etapa coa camiseta celeste.
Benvido, Bayindir!
