Os xogadores do primeiro equipo do Real Club Celta sometéronse este luns a unha completa analítica no Hospital Vithas Nuestra Señora de Fátima. Os resultados deste control permitirán aos servizos médicos do club avaliar con precisión o estado físico do persoal de cara á segunda parte da tempada, cun calendario inmediato tremendamente esixente e un tramo posterior apaixonante e decisivo.
As probas incluíron análises de sangue e ouriños, do mesmo xeito que nos exames médicos que se realizan a principios de tempada. Vithas Nuestra Señora de Fátima é o hospital de referencia do Real Club Celta e provedor de servizos médico-sanitarios do club desde mediados dos anos 70.
