Andrew Hjulsager xa é xogador do RC Celta. Tras superar o exame médico satisfactoriamente, o futbolista danés asinou o seu contrato xunto ao presidente céltico Carlos Mouriño na sede social do club. Centrocampista ofensivo de gran versatilidade, Hjulsager chega a Vigo procedente do Brondby e vestirá a camiseta celeste o próximas tres tempadas e media. O xogador será presentado esta mesma tarde ás 19:30 horas no estadio de Balaídos.
Hjulsager (15/01/1995) chega avalado por un rendemento extraordinario no seu club de orixe, segundo clasificado na Primeira División danesa. O atacante xogou esta tempada 19 partidos de Liga e anotou sete goles e asinado tres asistencias.
Xogou ademais oito partidos das roldas clasificatorias da Uefa Europa League, cun gol e catro asistencias. O novo xogador celeste foi internacional en todas as categorías inferiores da Selección de Dinamarca, incluída a Sub-21, coa que disputou vinte partidos e anotado tres goles.