O presidente do RC Celta, Carlos Mouriño, estivo presente este xoves en Mos con motivo da saída de etapa da Volta Ciclista a España no municipio. Mouriño participou, xunto á alcaldesa de Mos, Nidia Arévalo, o director da Volta, Javier Guillén; e outras autoridades nos actos previos á saída da carreira.
Ademais, o presidente celeste intercambiou con Eusebio Unzué, director do equipo Movistar e irmán do ex adestrador do RC Celta, Juan Carlos Unzué, senllas camisetas de ambos os conxuntos.
