Partido clave na pelexa polos primeiros postos. O terceiro clasificado, o Celta B, recibe en Barreiro este sábado (16.15 horas) ao cuarto, o Unionistas de Salamanca, ao que avantaxa nun punto. Por detrás, a esa mesma distancia, axexan Real Unión e UD Logroñés. O filial celeste necesita a vitoria para asentarse nas posicións de play off e para manter a súa boa dinámica será vital o apoio da afección.
Os abonados poden, como sempre, acceder a Barreiro co seu carnet e os afeccionados teñen xa á súa disposición entradas a 10 euros para este encontro. Os billetes poden adquirirse AQUÍ.
