Ante o Atlético de Madrid, entradas a metade de prezo para os abonados celestes

Para este atractivo partido poden adquirir billetes para acompañantes por 15 e 20 euros

O Real Club Celta recibirá o vindeiro mércores, 8 de maio (19.30 horas), ao Atlético de Madrid, un novo partido vital para os celestes na súa loita pola permanencia. Para este encontro, pertencente á xornada 36 e adiantado pola final de Copa, o club volve poñer a disposición dos seus abonados entradas a metade de prezo, 15 euros para a Grada de Río, tanto Alto como Baixo, e 20 para a de Tribuna. O club anima aos seus abonados a que acudan para arroupar ao equipo neste complicado encontro.

Para o encontro do próximo mércores (Balaídos, 19.30 horas) os abonados celestes dispoñerán de novo de entradas para as gradas de Río e Tribuna a metade de prezo, mentres que para o público en xeral mantense o prezo habitual, de 40 euros para Tribuna e 30 para as gradas de Río.

As entradas para este partido están xa á venda nas oficinas de abonados e mañá, venres, pódense adquirir nas taquillas do estadio en horario de 10.00 a 14.00 e de 17.00 a 21.00 horas.