O Memorial Quinocho, trofeo de gran significado e valor sentimental para o celtismo, regresa esta tempada a Abanca Balaidos. O RC Celta recibe o sábado ás 20,00 horas ao Ao Shabab na vixésima sexta edición do torneo, que se retoma tras dúas tempadas de ausencia por mor da pandemia. Será o primeiro partido do RC Celta ante a súa afección fronte a un rival con xogadores dabondo coñecidos en LaLiga como Éver Banega ou Krychowiak.
Como é habitual, os abonados poderán acceder de maneira gratuíta co seu carné da tempada 2022/2023, pero ademais dispoñerán de entradas para acompañante a prezos reducidos, de entre 5 e 11 euros. Para o resto de afecciondos , os billetes custarán entre 7 e 15 euros. As entradas poñeranse á venda no despacho de entradas o estadio o sábado a partir das 10.30 horas e ata o inicio do partido. O club informará este venres a aqueles abonados que aínda non recibiron o seu carné sobre a maneira de acceder ao estadio .
