Este ano, o 31 de decembro tínguese de celeste. Por primeira vez na historia do club… As badaladas de fin de ano viviranse a través da canle oficial de Youtube do RC Celta! Iago Aspas, Borja Iglesias e Óscar Mingueza, acompañados doutros invitados especiais, serán os encargados de dar a benvida ao 2025 nunha retransmisión chea de emoción, sorpresas e, por suposto, moito celtismo.
Os nosos tres xogadores emblema serán os anfitrións dun especial de fin de ano máxico que terminará ao grande: tomando as uvas ás 00:00h para dar a benvida ao novo ano.
Tras un 2024 no que se notou ao celtismo máis preto que nunca, o RC Celta quere agradecer con este agasallo a todos e cada un dos afeccionados que apoiaron inquebrantablemente ao equipo, brindando polo futuro e por todos os momentos compartidos este ano. O celtismo é a gasolina do motor celeste e o club está seguro de que será un momento moi especial no que celebraremos todos xuntos o arranque dun 2025 que vén cargado de soños e ilusións.
Vémonos o 31 de decembro, afección!
