“Galicia Sports 360 marcará un antes e un despois na historia do RC Celta. É un proxecto para toda Galicia. Imos ter innovación e formación, turismo deportivo e restauración, investigación, lecer, multideporte… e compromiso social na formación de deportistas e dos nosos canteiráns”. O presidente do RC Celta, Carlos Mouriño presentou con estas palabras este imponente proxecto, cuxa magnitude foi descrita con detalle polo presidente nunha completa presentación no salón Regio de a Sede á que asistiron todo o consello de administración e os directores do RC Celta.
O presidente celeste explicou que este proxecto supoñerá un gran investimento, 70 millóns de euros aproximadamente, e a creación de máis de 200 postos de traballo e subliñou ademais que se abre unha estreita colaboración con todas as federacións deportivas, que terán acceso ás instalacións para probas específicas de deportistas de alto rendemento.
Tras precisar que “presentamos ante a Xunta de Galicia un proxecto que vai modificar por completo a industria do deporte nesta Comunidade”, apuntou que “o RC Celta non vai ser só un equipo de fútbol, aínda que o fútbol sexa o principal. O RC Celta quere transformar toda a industria do deporte de Galicia. Imos facer algo dunha importancia extraordinaria para a formación de clubs, atletas ou federacións”.
Galicia Sports 360 – dossier en versión dixital
Máis información en galiciasports360.com
