Celta-Athletic Club: entradas para abonados a metade de prezo e Día das Peñas

O papel da afección será unha vez máis determinante nun partido crucial

Novo partido vital para o Real Club Celta, que nas últimas semanas rexurdiu con forza e este venres dispón ante unha gran oportunidade para reafirmar o seu crecemento. Os celestes buscan ante o Athletic Club (Balaídos, 21.00 horas) a súa terceira vitoria consecutiva nun encontro con varias iniciativas: os abonados poden unha vez máis adquirir entradas a metade de prezo e ademais celébrase o Día das Peñas, con entradas a 5 e 10 euros para os peñistas.

Tras os seus importantes triunfos ante Zaragoza e Levante, o Celta afronta este venres outro encontro vital e de máxima esixencia. Recibe ao Athletic Club de Bilbao coa necesidade de encadear unha terceira vitoria consecutiva para acrecentar as súas opcións de permanencia. O papel da afección será determinante, como ocorreu nos últimos encontros.

Para xerar un gran ambiente neste crucial choque ante os “leóns”, o club pon de novo a disposición dos abonados celestes entradas a metade de prezo: cada abonado pode adquirir as entradas que desexe para acompañantes por 20 euros para a Bancada de Tribuna e 15 para as de Río Alto e Baixo, as únicas con asentos dispoñibles. Para Sub-23, o prezo das entradas para abonados será de 10 euros.

O prezo para o público en xeral mantense: 40 euros para Tribuna e 30 para as bancadas de Río.

As entradas, tanto para abonados como para o público en xeral, poden adquirirse até o xoves na oficina de abonados, en horario de 10:00 a 14:00 e de 17:00 a 20:00, e o venres nos despachos de billetes do estadio con ese mesmo horario. As entradas para o público tamén estarán dispoñibles a través do servizo online as 24 horas do día: www.celtavigo.org/taquillaCelta