Nun día tan histórico para o Real Club Celta, como é a inauguración da primeira fase da súa cidade deportiva, o club pide desculpas a tantas e tantas persoas que quixésemos convidar, a tantas persoas que quixésemos que nos acompañasen, pero as medidas estritas con motivo do Covid-19 impídennos estar con todas elas.
A afección estará representada polo socio histórico máis antigo, pola Federación de Peñas, polo socio gañador do concurso para bautizar a nova cidade deportiva e polas imaxes dos afeccionados arroupando ao equipo que adornarán o perímetro do recinto e as diferentes zonas interiores da Cidade Deportiva Afouteza.
Para a familia celeste, na primeira oportunidade que permitan as condicións sanitarias, organizaremos visitas guiadas polo interior e exterior da cidade deportiva, para que todo aquel que queira teña a oportunidade de vivir este gran proxecto, orgullo do celtismo.
Sempre Celta!
