O Celta quere trasladar as súas máis sinceras condolencias ás vítimas do tráxico accidente ferroviario ocorrido este mércores na provincia de Toledo, así como expresar todo o seu agarimo, apoio e solidariedade aos seus familiares e seres queridos nestes momentos.
Como mostra de respecto e en sinal de dó, o equipo celeste gardou un minuto de silencio antes do adestramento de hoxe.
Así mesmo, a Real Federación Española de Fútbol (RFEF) decretou o aprazamento dos 24 encontros correspondentes á primeira eliminatoria da Copa del Rey previstos para este mércores. En consecuencia, queda aprazado o encontro entre o Celta e o Salamanca CF UDS, que ía disputarse esta tarde no estadio Helmántico. A RFEF comunicará proximamente a nova data e o horario do partido.
Todo o celtismo súmase á dor das persoas afectadas por esta traxedia e traslada o seu máis sentido pésame aos seus familiares e achegados.
