O RC Celta continúa dando pasos firmes no seu plan de internacionalización e expansión de marca, que esta pretempada recibiu un impulso notable coa xira do equipo por México e Estados Unidos, países nos que se desenvolveron con gran éxito numerosas actividades e iniciativas. O club avanza de novo neste plan cun importante acordo estratéxico en colaboración con LaLiga North América Joint Venture, Relevent Sport e LaLiga.
Este proxecto contempla a xeración de contidos semanais en español e inglés por parte de Celta Media para a súa distribución en Estados Unidos, Canadá e México. Desta maneira, o club xerará cos seus contidos exclusivos, activacións e eventos constantes en América do Norte para potenciar a marca RC Celta, e a conexión do club cos seus afeccionados.
Celta Media distribuirá os seus contidos nas plataformas sociais de LaLiga, ‘talento americano’ e as contas de ESPN e Sky, así como en ESPN +, a plataforma de OTT de ESPN.
