O conxunto celeste recibirá o Athletic Club o domingo 30 de agosto ás 21:30h, no que será o segundo partido da tempada na casa. Un encontro que xa ten as súas entradas á venda. Desde hoxe ás 16:00h e durante as primeiras 24 horas, os posuidores do Carnet Celtista xa poden adquirir a súa, con prezos desde 20 euros. A partir do martes 11 de agosto ás 16:00h, a venda abrirase ao público xeral, con localidades desde 25 euros, AQUÍ.
Ademais, o celtismo poderá gozar das diferentes actividades dispoñibles para vivir o partido dunha maneira especial, porque vir ao templo celeste é moito máis que ver un partido de fútbol. Ir a Abanca Balaídos é cantar “Oliveira dos Cen Anos” xunto a toda a afección, sentir o alento da bancada, vivir o quecemento a pé de campo, descubrir os recunchos do estadio ou gozar de experiencias únicas como ser abandeirado do encontro ou lanzar penaltis sobre o céspede ao rematar o partido.
Consulta AQUÍ todas as experiencias dispoñibles.
Agardámosvos na casa para vivir xuntos os primeiros pasos desta ilusionante tempada 26/27!
