Comeza o proceso de venda de entradas para o último partido en casa da tempada, correspondente á Xornada 37 de LALIGA EA SPORTS, que enfrontará ao RC Celta e ao Rayo Vallecano. Non perdas a oportunidade e ven a animar ao primeiro equipo celeste o domingo, 18 de maio, ás 19:00 horas en Abanca Balaídos.
A venda levarase a cabo en dúas fases. Os posuidores de Carné Celtista, en calquera das súas modalidades, xa poden comprar as entradas de forma anticipada. Mentres que os demais poderán facelo a partir de mañá ás 12:00 horas AQUÍ. O prezo das mesmas será de 25€ para celtistas e desde 30€ para o público xeral.
Co curso chegando ao seu fin, e sendo este o último choque na casa, a emoción está asegurada. Non perdas a oportunidade de vir a Abanca Balaídos e despedir esta gran campaña no templo celeste. Esperámosvos, afección!
