986.21.32.30 – 986.21.32.34 – [email protected]
Os despachos de billetes de Balaídos despachan desde este martes as entradas para o partido de volta das semifinais de Copa do Rei ante o Sevilla FC, un choque histórico xa que 15 anos despois o RC Celta volve xogarse o pase a unha final copeira. O club mantén os prezos das entradas respecto da anterior eliminatoria, a dos cuartos de final ante o Atlético, con entradas desde tan só 20€ para ADULTOS e desde 15€ para afeccionados SUB-25. Uns prezos moi atractivos para un dos encontros máis importantes da historia recente do Celta.
Sen dúbida, este será un partido cargado de intensidade e emoción. En fronte, un rival complicado como o Sevilla FC ante o que o equipo vigués necesitará o máximo apoio do celtismo para conseguir a clasificación á ansiada final da Copa do Rei. O club fai un chamamento a todos os abonados e afeccionados para que acudan a Balaídos e empuxen aos xogadores desde a previa e até o asubío final. Os abonados poden acceder ao estadio da maneira habitual, sen necesidade de adquirir ningún suplemento.
As entradas poden adquirirse no despacho de billetes de Balaídos de luns a venres de 10 a 14 e de 17 a 20 ou próximamente a través de www.celtavigo.org/taquillaCelta. O partido está programado para o xoves 11 de febreiro, á espera de confirmarse o horario.
