Iago Aspas fixo historia, unha vez máis, ao converterse no máximo goleador do RC Celta en Abanca Balaídos. O moañés é, desde hoxe, o xogador que máis tantos a marcado en casa en Primeira División: 86 coa camiseta celeste.
Aspas alcanzou estes datos tras anotar un gol na última vitoria en Abanca Balaídos fronte ao Real Betis Balompé, arroupado pola afección. Un 2024 que comezou prometedor para o Rei das Bateas ao superar neste fito a Hermidita, que acumulou 85 tantos, e Mauro Rodríguez, que recadou 44 unidades, e que suma unha proeza máis no seu extenso historial e axiganta a súa lenda.
