O RC Celta pon en marcha a tan esperada remodelación da última bancada pendente de Abanca Balaídos: a Bancada de Gol. Este ambicioso proxecto comezará coa recolocación dos socios da devandita zona. Tras varias reunións con abonados para coñecer a súa opinión, o club dá inicio a este proceso, que se estenderá ata o próximo 28 de xaneiro.
Desde hoxe, todos os abonados desta bancada poderán xestionar o seu cambio de localización de maneira sinxela e clara. Para iso, o club pon en marcha un link que chegará por mail aos usuarios de Gol onde, paso a paso, poderase realizar a recolocación, tanto de forma individual como en grupo. A orde de cambio realizarase segundo a antigüidade medio do grupo ou, se o cambio é individual, segundo a antigüidade individual do abonado.
Para máis información, poderase consultar este dossier informativo con todos os detalles necesarios para levar a cabo a recolocación. No caso de que xurdan dúbidas ou dificultades durante o proceso, o RC Celta pon ao dispor dos abonados as oficinas de Abanca Balaídos.
O RC Celta quere agradecer a colaboración e comprensión do celtismo durante este ilusionante proceso. O club sabe o especial que é a Bancada de Gol para todos, e traballará para que este proceso sexa o máis cómodo e áxil posible, co fin de gozar canto antes dun novo templo celeste.
