Os abonados do RC Celta que desexen realizar cambio de asento poderán tramitar a súa solicitude nas billeteiras do estadio de ABANCA Balaídos entre os días 10 e 14 do presente mes de setembro, ambos inclusive.
Todos os abonados que desexen cambiar a súa ubicación en grada terán que presentar DNI e carné de abonado e só se realizará o cambio ao titular do abono. No caso de que este non poida tramitalo, terá que autorizar á persoa designada por escrito con copia do DNI.
O horario das taquillas do estadio é de luns a venres de 10:00 a 14:00 e de 17:00 a 20:00 horas. Ante calquera incidencia ou dúbida, os abonados poden dirixirse ao club a través do servizo Escoitamos.
