A partir deste venres 26 de abril estará dispoñible a nova experiencia de ‘Gymkana Infantil’ por Abanca Balaídos. Un percorrido lúdico e divertido para sorprender aos máis pequenos.
En xullo fará un ano desde que as portas do emblemático Estadio Abanca Balaídos abríronse para recibir a miles de afeccionados. Con todo, RC Celta e Bstadium seguen en constante colaboración para ofrecer experiencias únicas aos celtistas e amantes do fútbol. Por iso, desde este venres 26 de abril poderase gozar dunha nova actividade nas instalacións de Abanca Balaídos que pretende achegar o club dunha forma atractiva e nova, sobre todo, aos celtistas máis novos.
A ‘Gymkana Infantil’ percorre os principais espazos do Estadio como o Museo Centenario, o antigo túnel de xogadores, os vestiarios, o terreo de xogo ou a sala de prensa mentres distintos xogos e dinámicas, que ten como obxectivo promover o interese polo RC Celta, a deportividade e o compañeirismo, amenizan a visita.
Os grupos terán un máximo de 30 persoas e serán acompañados sempre por un adulto e por un guía especializado que, ademais de explicar todos os detalles e segredos do club e do Estadio, liderará as dinámicas e xogos que se propoñen na actividade e repartirá unha pulseira de agasallo a cada asistente cortesía do club.
A experiencia ten unha duración dunha hora aproximadamente e poderá realizarse en castelán, galego e inglés. Está dispoñible unicamente para grupos e xa se pode reservar contactando a través do correo electrónico [email protected] ou WhatsApp +34 618 45 36 90.
O prezo de cada entrada infantil (ata 14 anos) é de 12€ e de cada entrada de adulto de 15€. En www.bstadium.es pódese consultar o itinerario da visita e o resto de información detallada.
A ‘Gymkana Infantil’ por Abanca Balaídos propón un plan único perfecto para gozar en familia, sorprender aos amigos ou celebrar aniversarios e eventos especiais.
