O RC Celta protagonizou nas últimas horas unha histórica visita á sede central de ESPN, en Bristol, Connecticut, onde se orquestra a difusión dos exclusivos contidos desta canle en máis de 200 países do mundo. O presidente do club, Carlos Mouriño, tivo a oportunidade de coñecer as instalacións e departir cun dos grandes emblemas de ESPN, o narrador Fernando Palomo, e co vicepresidente da firma Tim Bunnel,
O RC Celta é o primeiro club de LaLiga recibido na sede central de ESPN, que goza desde hai dúas tempadas dos dereitos de emisión dos partidos de LaLiga. Esta oportunidade de profundar no seu plan de internacionalización e expansión de marca chega da man de LaLiga Impulso e LaLiga North América.
O club puxo tempo atrás en marcha un proxecto para a xeración de contidos semanais en español e inglés por parte de Celta Media e LaLiga North Studios América para a súa distribución en Estados Unidos, Canadá e México. Celta Media distribúe os seus contidos nas plataformas sociais de LaLiga, ‘talento americano’ e as contas de ESPN e Sky, así como en ESPN +, a plataforma de OTT de ESPN.
O presidente do RC Celta, Carlos Mouriño expresou a súa satisfacción por esta histórica visita e destacou a magnitude e calidade das instalacións da sede central de ESPN, Subliñou que para o club é un gran orgullo colaborar de maneira estreita cunha firma da entidade de ESPN.
Pola súa banda, Tim Bunnel, manifestou tamén a súa alegría por recibir ao RC Celta, que, na súa opinión, está a traballar con acerto e ilusión para potenciar un crecemento continuo e sinalou que é un club ao que coñece e valora.
