A tempada en Primeira División finaliza o domingo 18 de maio de 2014 pola disputa do Mundial
A liga de Fútbol Profesional reuniuse esta tarde en Granada, cidade onde está a piques de comezar o XX Torneo Nacional BlueBBVA Alevín de Fútbol 7, no que participan todos os clubs que esta tempada militaron en Primeira División.
Na asemblea da LFP definíronse as datas de inicio e finalización dos campionatos de Primeira e Segunda División. Ambas as categorías iniciarán a tempada o domingo 18 de agosto de 2013 e finalizarana o domingo 18 de maio de 2014, data establecida pola FIFA para finalizar todos os campionatos nacionais con motivo da disputa da Copa Mundial de Seleccións.
En Primeira División disputaranse tres xornadas en mércores: a 6ª o 25 de setembro de 2013, a 11ª o 30 de outubro de 2013 e a 30ª o 26 de marzo de 2014.
