A goleada do RC Celta ante o Alavés, a maior do que vai de LaLiga esta tempada, segue acaparando recoñecementos. Até catro xogadores do equipo celeste forman parte do XI ideal da xornada en LaLiga Fantasy. Murillo, que se estreou como goleador coa camiseta do RC Celta, Denis, que repartiu dúas asistencias, Nolito, que anotou o quinto gol do partido e asistiu a Santi Mina no sexto, e Rafinha, que asinou dous auténticos golazos, lideran a mellor aliñación do fin de semana. O centrocampista brasileiro, ademais, foi o MVP da xornada.
